沙士菲細盤有路捉

猪拉多纳

02/06/2011
文： Mic少

南美自由盃四強次回合，沙士菲主場對彭拿路，阿根廷聯賽進入爭標大直路，令沙士菲顧此失彼，首回合輸○比一，反映球隊已出現疲態，主Ｗ只有1.32倍既無味，又高風險。預料烏拉圭球隊彭拿路會採取穩守戰術保優勢，可捧1.95倍入球細。（有線61台周五早上8時50分直播）


阿甲榜首沙士菲今季聯賽及自由盃雙線爭標，球員疲於奔命，進入最後階段表現似乎有所回落，繼首回合輸波，上仗聯賽亦不敵堤格雷。最大不利因素係沙士菲下輪聯賽，要惡鬥第三位嘅葛度爾古斯，由於佢哋只領先葛軍兩分，一旦輸波，就會畀對手超越，就算和波，亦可能畀第二位拉魯斯過頭。

彭拿路必穩守保優勢

阿根廷球隊一向對聯賽重視程度高於自由盃，沙士菲喺聯賽爭標後顧之憂下，今仗會否搏盡存在疑問。事實上，沙士菲亦唔可以傾巢而出搶攻，否則畀對手取得作客入球，形勢將會更惡劣，因此，唔好期望佢哋可以大勝晉級。


彭拿路今屆自由盃曾作客擊敗巴西球隊國際體育會，分組賽亦試過作客贏另一支阿根廷球隊葛度爾古斯，有助提升信心。今仗屬於生死戰，估計彭拿路會以不敗為前提，力保首回合勝果晉級決賽已足夠，踢法難免較保守，捧入球細啱數。


賽制方面，如果兩回合總比數打和，以作客入球較多一方為勝，若作客入球數字相同，就直接互射十二碼分勝負，並不設加時。