愛爾蘭明恰北愛小虎

魑魅魍魉

24/05/2011
文： ComboKing

國際熱身賽愛爾蘭主場對北愛爾蘭，現時幾支英倫代表隊當中，以北愛爾蘭競爭力相對較弱，世界排名亦低過前六十位，作客就更難對愛爾蘭構成威脅。預料今場級數較高嘅愛爾蘭可輕取對手，2.4倍「讓球主勝」可捧。（周三凌晨2時45分開賽）




今仗其實係由英倫三島球隊參加嘅四角賽，今屆由愛爾蘭主辦，賽事踢單循環，目前蘇格蘭同愛爾蘭都贏咗一場於榜首領先。




領隊查帕東尼都要藉這場勝利去保住帥位，基於意國老帥早陣子因身體不適而入醫院檢查，好多人都覺得佢唔適合繼續執教愛爾蘭，倒不如趁早退休調理身子。




不過，查帕東尼呢位戰術大師對工作仍然滿腔熱誠，絕唔會輕易放棄，故今場極需要取勝，以令球迷及愛爾蘭足總對佢信任。




北愛爾蘭今次挑選好多新仔，比如葉士域治嘅十七歲小將祖舒卡臣及曼聯預備組球員占士諾活，佢哋代表國家隊次數都不足十次。




似乎北愛爾蘭有意借今場比賽，畀班後生吸收更多國際賽經驗，爭勝意欲未必太強。愛爾蘭只要有正常發揮，要淨勝對手兩球或以上唔難。

馬模鬥希堡吼細

另外，瑞典超大戰馬模主場對希爾星堡，兩強相遇多數踢得謹慎，相信入球唔會多，要細盤。最後美聯盃聖荷西地震主場對芝加哥火燄，主隊兩連勝近況回勇，開主W機會高。