FC達拉斯食硬鹽湖城

猪拉多纳

22/05/2011
文： 法比加輝

加輝一向好留意女子足球，四年一度嘅女子世界盃將於七月喺德國舉行，加輝當然唔會錯過。老實講，今時今日德國女足已獨步天下，連昔日嘅勁敵美國都唔係佢哋手腳，加上今屆有主場之利，相信連奪三屆冠軍機會極高。




女子世界盃舉行咗五屆，德國同美國各奪兩屆冠軍，但近年美國青黃不接，早已被德國趕過，加上昔日強國如瑞典、挪威不進則退，能夠稍為威脅德國嘅，就只有美國同巴西。


中國女足要檢討


不過亞洲球隊近年進步神速，好似日本同北韓都甚具實力，若發揮水準有力打入四強，可惜中國連決賽周都入唔到，真係要好好檢討至得！講番今日推介，美職FC達拉斯近九次主場對皇家鹽湖城全勝，讓平半唔係唔捧呀嘛！（周一早上7時開賽）