甘美奧Vs哥連泰斯主W信得過

港陌

21/05/2011


巴甲首輪其中一場重頭之戰甘美奧主場對哥連泰斯。哥連泰斯本季星味大減，除有朗拿度退休外，兩大主力般奴施薩辛拿基及伊利亞斯文迪斯先後轉會，最大鑊係球會對佢抱極大期望嘅阿祖安奴轉會後未踢先打柴，整體戰鬥力遠遜上季，反觀對手甘美奧之前在自由盃出擊且戰績不俗，目前已上力，可藉主場之利旗開得勝。（周一凌晨3時開賽）


主力流失惡唔出樣


哥連泰斯去季有朗拿度同卡路士兩大殿堂球星壓陣，但本季「大哨」退休、卡路士轉戰俄超，再加上兩名攻擊猛將般奴施薩辛拿基及伊利亞斯文迪斯又分別轉會歐洲，加盟賓菲加及馬體會，整體實力大幅下降。球隊季初收購阿祖安奴，諗住搵佢頂「大哨」位置，點知佢又受傷，有排未踢得，季初時間將要靠晒前士砵亭射手列特臣食胡，不過列特臣一人之力，恐怕未能彌補球隊實力下滑之弊。




甘美奧早前於自由盃分組賽三場主場全部勝出，球隊信心狀態俱在哥連泰斯之上，今次主W可期！