山度士揸住1粒返地頭歎細界

魑魅魍魉

18/05/2011
文： 自由恒

巴甲周六就揭開戰幔，成日都聽人講聯賽未開咧，森巴兵出去踢自由盃會好蝕，查實係大錯特錯，事關計埋州聯賽，巴西波基本上全年無休，一年閒閒哋70幾場，如果單計2011年，聽朝有份出戰自由盃8強次回合嘅山度士就已經踢咗32場，又點會冇態呢？


利伯泰迪讓唔起沙士菲


山度士雖然有尼馬在陣，不過佢哋防守似乎更出色，近7戰先失得1球，搞到當中6場開細。佢哋首回合作客小勝卡達斯1:0，揸住個作客入球在手返主場，博佢哋大炒不如追多鋪2.05倍細。（有線61及廣東體育周四早上9:00直播）




另一場自由盃8強次回合，由首回合輸0:3嘅利伯泰迪返主場再鬥沙士菲，主隊喺16強次回合連追3球晉級，有前車可鑑，今次簡單去諗，就算奇迹不再，都可以攞個尾彩啩。但呢場波其實有個小插曲，就係馬會本來話開「晉級隊伍」，點知最終打退堂鼓，究竟係怕價值10幾倍嘅奇迹晉級成事，定係連1.01都唔想蝕？筆者傾向係後者，沙士菲受讓平半要下盤！（有線61及廣東體育周四早上6:30直播）