特林素「和主」執到堡

猪拉多纳

16/05/2011
文： 渡邊年

各大歐洲聯賽都踢到七七八八，挪超成為周中波主角，為遷就上周挪威盃，嚟緊聯賽會一周雙賽，挪超球會兵力有限，點樣部署好考教練工夫，但相信佢哋都會集中喺主場搶分，今日特別睇好特林素，呢支挪超唯一不敗之師表現好穩定，開咧至今連盃賽八戰都開「半場和」，今晚主場對薩普斯堡，貪賠率捧半全場「和主」。（周二凌晨零時開賽）




特林素開季成績不俗，連盃賽在內八戰五勝三和，仍然保持不敗。球隊攞到好成績全賴「穩定」兩個字，特林素有穩健後防，聯賽踢六場只失四球，可以睇定形勢先慢慢部署，所以佢哋連半場成績都好穩定，八戰都係半場同對手打和，呢個數據大家一定要存檔。




今場對手係薩普斯堡，呢支球隊特性明顯，主場全勝作客全敗，今場特林素好大機會贏，主W1.4倍可作過關變倍器，另外2.3倍「半場和」四十五分鐘收錢，進取啲嘅可以揀埋3.9倍「和主」。




另一場值得留意嘅係費德列斯達主場對華拉倫加，華拉倫加季前被睇好具冠軍相，但踢落又係另一回事，經過六輪依家只係排十三，成績差強人意。費德列斯達除上季跌落挪甲，之前由○五至○九年四次主場對華拉倫加都贏晒，心理上有優勢，加上華拉倫加聯賽近四戰不勝，平手盤梗係捧主隊。


洛辛堡大炒格


仲有一場係洛辛堡，呢支傳統勁旅已經重拾霸氣，今仗主場出擊對魚腩侯格辛特，估計會係一場大屠殺，1.72倍「讓球主勝」當然要捧，喜歡玩波膽嘅可試「4:0」同「5:0」。