鳥棲順到識飛唔赦湘南

猪拉多纳

15/05/2011
文： 九叔

唔少人買波都學似買馬咁，鍾意跟幕後高層動向，呢啲完全係個人喜好，九叔唔敢講Work唔Work，但係今日如果大家因為鳥棲砂岩有高層辭職反佢哋，咁就可能有多少麻煩嘞，事關呢隊波上晒軌道，開始識飛。




日乙排第5嘅鳥棲砂岩今日會作客湘南比馬，賽前佢哋個總經理松本育夫遞咗辭職信。香港球迷可能唔識佢係乜水，其實松本响日本足球界屬於教父級人物，係1968年日本攞奧運足球銅牌嘅功臣，2004年起教過鳥棲兩季，後來轉做GM，已經69歲嘅佢，係日本足球名人堂嘅一分子，依家突然劈炮，對球會造成一定程度嘅震動，會方已經派人極力挽留佢。


「教父」松本辭職冇影響


按唔少人嘅簡單思維，松本嗌走會影響隊波嘅士氣，但係呢種諗法根本唔成立，首先佢唔係投資者，走人唔會令班球員驚冇糧出，其次佢依家唔係直接教波，又點會响戰術以至心理造成影響？尤其大家要注意一樣嘢，你咪睇鳥棲唔算大球會，不過樣樣嘢上晒軌道，青訓方面仲好有計劃，兩個月前就送咗件15歲嘅馬來西亞籍青年軍去英冠嘅卡迪夫城受訓，有晒一套長遠發展計劃，樣樣上晒軌道，管理層走一個人絕對冇壞。




正因為咁，聯賽4戰不敗嘅鳥棲今日作客湘南，即使有金秉析、柳澤隼同山瀨幸宏3件中場傷咗，都未必一定輸梗。特別係由日職跌落嚟嘅湘南，聯賽重開近4場波只得1勝，近況沉到唔恨，平手盤不妨博吓鳥棲。




鳥棲砂岩




（平手）