13戰不敗阿克寧頓抵買

猪拉多纳

15/05/2011
文： 自由恒

睇咗兩晚英冠升班附加賽首回合，史雲斯雖然缺乏星味，但表現卻係最有說服力嘅一隊，希望5月30日嘅決賽可以見到佢哋。




今晚就輪到甲、乙組嘅附加賽進行，本來都話有直播，最終卻係不了了之，馬會擒擒青取消即場投X之餘，就連第一隊入球都cut埋。其實自由盃齋得文字直播都開到走地盤，邊隊入波先唔使等直播判斷啩？好多時日職同亞冠盃直播，都會因為有馬跑而冇即場投X，筆者賭緊馬嗰陣都唔想畀日職走地搞到網絡大塞車，但其實一早買定嘅第一隊入球卻冇必要同時消失。




英乙交手叻過史提芬納治




講番波，早幾年升班附加賽都係銳氣行先，排名較次都可以一鼓作氣打低對手，但英冠兩場附加賽，排名較前嘅首回合作客都唔使輸住，所以今晚史提芬納治主場對阿克寧頓場英乙附加賽，都係撐排名高一位嘅客軍，話晒佢哋連續13場未輸過，今季兩次交手亦取得1勝1和，受讓記得捧1.7倍「讓球客勝」。（開賽時間：周一凌晨1:30）


升班附加賽賽制


採主客兩回合淘汰制，今輪為首回合，不設作客入球優惠，若總比數打和，需加時作賽，再和則互射12碼分勝負。


Battle精選


足球重心：阿克寧頓（讓球客勝）

馬膽推介：2場1 仔仔女女

連番搏失之後上場終於喺泥地1200米取得來港後首場頭馬，最緊要跑第二嘅「哈哈妙」之後都輕易補中，等足成個月再報跑贏馬路程，排好檔連捷機會甚高。