羅連安特受讓起賽

猪拉多纳

15/05/2011


法甲今晚上演七場賽事，由於里爾周日凌晨應付法足盃決賽，今輪聯賽延期，令馬賽有機會拉近榜首距離，可惜馬賽今場作客對手係羅連安特，後者上一次主場聯賽輸波已經係去年九月，不敗場數長達十四場，「讓球主客和」馬賽讓一球，波童寧捧1.7倍「讓球主勝」。（now 634周一凌晨3時直播）




馬賽自從四月尾贏完法聯盃冠軍，球員心情可能一時鬆懈，之後三場聯賽先後在歐塞爾及里昂身上失分，令爭標形勢陷於被動。馬賽今季作客成績雖然排聯賽第二，但勝出率其實不足五成，而且近四次作客贏波有三次係靠喺比賽末段入波小勝一粒，表現未見太有說服力。


馬賽爭標遇阻力


由於馬賽奪得今屆法聯盃冠軍，令聯賽第五名都可參加下屆歐霸盃，羅連安特現時僅以五分落後第五位嘅雷恩，仍有機會後來追上，戰意毋須懷疑。羅連安特今季主場一直保持穩定演出，自從去年九月輸畀卡昂之後，聯賽已保持十四場主場不敗，強如榜首里爾上月作客亦要擺低兩分，主場威力不能小覷。




雷恩戰意蓋「天」




另一場直播賽事聖伊天主場對雷恩，雷恩下半季大跌Watt，對上九場聯賽未贏過，好彩其他競爭對手表現亦一般，雷恩仲有機會保住來季歐洲賽資格。聖伊天早早搶夠分唔使護級，位列中游戰意不高，今場捧「讓球客勝」。（now 714周日晚11時直播）