|
|
15/05/2011
文： 樂比堅尼
樂比仔有早睡早起嘅習慣，平時朝早七、八點就起身，呢個時候啱啱有好多美洲波玩，樂比仔又點會放過？正所謂晨早起床清新開朗，朝早刨波有個好處，就係個人特別精神，判斷力特別好，當你個人唔在狀態嘅時候，唔好話度波，做乜都唔掂啦！
可能近排睇得多南美波，聽朝有場阿甲小弟幾有信心，就係拉魯斯主場對沙士菲，沙士菲上周中南美自由盃踢到曉飛，大勝利伯泰迪三比○，但佢哋依家全副心機放晒喺自由盃度，根本冇餘力應付聯賽，由於佢哋周中將作客巴拉圭踢次回合，據講今仗作客拉魯斯會出好多後備，仲唔畀對手乘虛而入咩！
其實拉魯斯呢隊波都唔簡單，近七仗不敗，而且近六次主場對沙士菲未輸過，今場仲有平手盤玩，唔係唔捧場吓嘛？（周一早上7時20分開賽） |
|
金睛卡
发表于 2011-5-15 12:42
变色卡
显身卡