些路迪冇得諗大晒冷

猪拉多纳

15/05/2011
文： 法比加輝

蘇超今晚煞科，「雙雄」會分途出擊，格拉斯哥流浪作客基爾馬諾克（now 638周日晚７時30分直播），而些路迪則主場戰馬瑟韋爾。由於流浪賽前領先些路迪一分，所以只要今晚贏波，就能衞冕成功！不過加輝認為流浪壓力較大，客Ｗ過熱並唔值博，反而些路迪有主場之利，冇得諗一定強攻對手，相信大炒可期，3.5球中位數照捧大。（周日晚上７時30分開賽）


流浪壓力大寧吼細


今季蘇超要鬥到最後一輪先決出冠軍誰屬，無可否認流浪現時形勢較佳，因為賽前領先些路迪一分，只要今場擊敗基爾馬諾克，就能衞冕成功。不過個人認為流浪都有一定暗湧，首先佢哋要作客，變數較大，第二係主動權喺自己手，壓力隨之亦會較大，球員好可能因此失準。所以加輝認為客Ｗ太熱並唔值博，寧捧細盤。


馬瑟韋爾無心戀戰


至於另一場嘅投X價值明顯較高，因為些路迪根本冇得諗太多，想攞冠軍就要先做好自己，擊敗馬瑟韋爾。事實上客隊已經冇嘢好爭，例行公事預期亦缺乏戰意去阻撓「綠白軍團」，加上些路迪主場特醒，近十場九勝一和，加輝認為主隊好快已經可以搵到入球。些路迪面對無心戀戰嘅馬瑟韋爾，睇怕都係大炒格，入球大細中位數調高至3.5球都要捧大。