馬場紅綠燈

猪拉多纳

友情友義見真章

　　剛戰「雙龍出海」為筆者取得寶貴一「O」，今晚一於再揀葉廐馬捧場，其中「友情友義」連續三仗跑第五，近兩仗賽後更被查詢跑法，證明競賽小組特別留意此駒；這次落班兼排三檔，易配何澤堯又有磅可減，相信係時候見真章。

健少

喜蓮智星賽績勁

　　國際賽港隊僅憑「締造美麗」贏一場，告東尼總算替本地馬挽回點面子。今晚睇好東廐仍有馬贏，其中第七場「喜蓮智星」前仗同「幸運精彩」鬥到短頭分勝負，後駒剛戰取得連捷，而前駒今次轉跑谷草會換來賠率，隨時施回馬槍。

阿光

文家良有好笑容

　　文家良隻「好笑容」跨季四仗得兩殿及一席第五，落敗嗰場係後備補出，賽前備戰根本唔完整，但已證明呢隻馬目前應減夠分。此駒前速唔錯，過嚟谷草對手亦比田草為弱，仲有運抽到一檔起步，計落已有出冷條件，話唔定可放到。

王其