落飛馬啓示：威利多多跨季補中

港陌

　　上期諗住嘜實兩匹幾有分頭嘅「彩旗飄飄」及「樂意洋洋」，以為可以揩到多少油水，點知都跑第四，攪到條冷Ｐ過關喊得一句句，真係愧對讀者，希望今期醒醒定定，兩匹心水可以贏晒。

　　第一場第四班1000米。「盈驥」上季最尾嗰場跑泥地1200米，明明隔夜十幾倍冷門，點知去到當日捧到得6倍幾開跑，泥地都夠膽落飛，真係好意外，而講到該役走勢則係有頭冇尾。隔番一個暑期，呢次跑谷草1000米，情況完全唔同，至少路程啱好多，仲要呢匹馬季季初出實有Ｑ，證明儲夠體力零舍有計。今次排7檔，馬夠快唔怕，如果此馬搶到欄放，有望一放到底，收復上季尾之失。

　　第三場第二班1200米。「威利多多」上季煞科跑谷草1200米，閘前由7幾倍W，打到唔夠6倍開跑，結果返嚟輸條頸，落飛搏失是也。隔了個幾月後的今場，繼續對準此程，擺明有心跨季補中。而由於排了1檔，又回降二班，爭勝機會的確甚高。

張平