洪禮賢講馬：福將臨門 賺形勢

港陌

　　第九場四班1400米。「愛蓮說」去季尾跑3場兩上名，唯一冇Ｐ嗰場皆因唔要命咁放啫，以正常情況去計，佢嘅能力唔會係四班唔識贏之流。今季復課之後，一如不少廐侶一樣，季初已經好認真做嘢，睇進展係承接到上季尾餘勢，以季初水準而言，稱得上有90分以上；今場望落早段唔多馬鬥𠼱，排10檔形勢唔會太惡劣，既然上季同程入Ｐ係沿途二叠，倘今場擺位相近，唔怕蝕唔起，隨時放到。

　　第十場三班1400米。唔算特別鍾意「福將臨門」暑後狀態，唔覺好吸引，但總算四正，唔係甩皮甩骨嗰種；某程度上，呢場前中段出現稍快的段速唔奇，肯走嘅馬至少有一雙，變相令守好位跑法嘅「福將臨門」，或可食正條水，加埋有①檔及112磅之助，基本條件及格。當然，博Ｗ唔建議，只因向來勝出率唔高，但Ｐ則可博。