何澤堯少油少肉多菜

魑魅魍魉

相比外籍大師傅，身形纖巧的華將好多時候卻要「增肥」，以賴維銘為例，體重不足百磅，為免陣上負太多死鉛，佢反而要狂谷自己食多啲嘢添。
       
何澤堯：食完今餐咁好餸，又有排喼咯！(設計圖片及對白）

至於只得112磅嘅何澤堯，距離十磅仔最低的103磅相差甚遠，因此有必要樣樣keep住；除咗每日操馬同運動之外，何澤堯話飲食都非常重要，佢根據見習騎師學校營養師制訂嘅餐單進食，內容大致係「少油、少肉、多菜」，同埋多飲水，如果運動量充足，晚餐仲可以食番適量嘅碳水化合物食品，例如飯同麵包，用嚟補充身體所需嘅養分。佢話最緊要係持之以恒，一個禮拜要減一磅脂肪話咁易，大家如果覺得自己肥得滯，不妨喺堯仔身上偷吓師！