24廐尋寶：胡森泥地賽「萬歲」

魑魅魍魉

　　【本報資料】未知是否跟胡森來自英國有關，上季馬房表現一如在港北半球馬般，演出十分慢熱。九及十月各僅贏一場，一月更加食白果，去到三月才累積十三場頭馬；不過，踏入季尾情況逆轉，五至七月短短兩個月勝出十五W，埋單計數以二十八w排於練馬師榜第十三位。

作風慢熱睇定先郁

　　胡森季初成績差，原因其實不難理解，事關廐內多數為英愛馬，牠們往往要經一輪實戰熱身才進入作戰狀態，看來季初不宜高估胡廐馬。另一方面，胡森上季於泥地賽贏九W，成績乃所有馬房之冠，證明訓練馬匹跑泥地有一手，最佳例子是「百贏萬歲」，牠一直於田草及谷草長途賽屢拼不逞， 但上季初跑泥地得第四，三月中即於此場地打開在港勝門。

　　預計今季胡森仍會部署旗下馬於泥地賽搏殺，其中「尚駿心」在港兩季十七戰未開齋，但上季初曾在一場泥地1200米排十一檔得第五，落後頭馬「人緣好馬」三個馬位，證明泥地合腳法；既然於草地屢拼無功，小心會如「百贏萬歲」般轉場謀突破。

　　其他值得吼實的馬尚有「濃情」，上季初出在三班草地1200米追近獲殿軍，翌仗加程至1400米即以輕鬆姿態取勝，證明這匹在澳洲一戰即勝的自購馬潛質非凡。目前加至74分肯定未盡，繼續留在三班出賽亦有利，只有進度配合有力贏上頂班。至於「非常好」上季八戰全輸，但曾在二班1800米追得出色，加上來港前於一級賽德國二千堅尼得殿軍，質素必可站穩二班；目前減至73分，較來港編班時低14分，今季力足反彈。