借題發揮：全年跑馬未係時侯

博彩老头

　　賽期增至83次，與往時相比多了5次，不過馬季拉長約1個月，而新季則會較早開鑼，收咧日子亦比今年早少少。至於加賽程的利弊，各界口徑並不一致，除非你是一名業內workaholic，如果唔係，假如只得加賽程而沒有加薪，抱着多1日不如少1日的心態，不大可能會贊成。
　
　　賭仔情況就唔同，一直都處於被動位置，有得賭便獻金，懶理是8月賭馬，還是9月先有得賭，總之有就得。而飲食業界對於加賽程持開放態度，跑夜馬或會對夜市有正面影響，宵夜枱數明顯增多，拉上補下，總算部分業界有機會去維皮。如果冇馬跑，就連這個機會都喪失了，唔見得係好事。假如沒有機會營運，變相對飲食業的打工仔做成壓力，可能最終連飯碗也不保。

　　那麼全年跑馬又是否可行？這點可能在將來或成事實，加得5期，會唔會得一想二， 不排除會有此可能，但如果解決不到好些問題，或有可能帶來負面影響，像馬匹、騎師、練馬師等等數量已是一大問題，尚有跑道損耗，和天氣變化，隨便數數已有五點的根本問題了，其他要理會的因素更有機會愈挖愈多，所以，再加賽程未必是三幾年間便出現。

Jack