洪禮賢講馬：捧虎虎生輝

魑魅魍魉

　　第十場三班1600米。「闊袍大袖」連跑兩場短途後，上場才轉1400米，結果力追跑入第三，其實幾有難度，除了因該役不利追之外，佢喺行圈時情緒也不穩，要勞煩多一位助手在旁安撫，但佢仍交到個Ｐ。加上剛仗仲係強組賽事，更覺季軍水準高。呢次轉到此程，按理仲啱衝（外地贏此程），假使屆時情緒變乖埋，係時候出頭。

　　第十一場二班1400米。「虎虎生輝」（圖）上仗大好形勢下Ｐ都冇，不過亦有值得高興的地方，沿途走勢比前放鬆，騎者不用鬥力已可留住，而尾段又唔係冇纏鬥力。若以剛賽走勢，嘗試轉此程也無不可，而今場可能前中段會快，佢段段有的跑法或受惠。