數據人生：質超駒有保證

魑魅魍魉

　　伍碧權目前於練馬師榜以九W排包尾，亦是今季所有馬房中，唯一頭馬數字未能突破雙位數，連同今晚馬季尚餘三個賽日煞科，要他達到馬會的十三W續牌要求似乎有相當難度，但今戰出五駒，對這個暫時只得二十七駒的馬房而言，計落已算是強陣出擊，既然必具戰意兼部分馬實力不弱，值得多加留意。
　　
　　第三場四班1200米，這場有多達八駒於上仗跑入前五名，其中今季首度登場並兩戰全勝的「如願以償」，早前馬主羅焯曾於慶功宴上透露牠應會提早唞暑，誰知操練未有放緩兼這次更安排首次渡江作賽，但始終跑馬地馬場彎急路窄，對這匹實戰經驗極淺的兩歲馬來說，縱使評分未盡亦未必話贏就贏，而且賠率偏熱，超班馬只宜作配。
　　
　　相反，伍廐「質超駒」至今七戰谷草1200米得兩冠兩亞兩季，除路程性能有保證外，埋門亦頻頻快跳考驗，可見已擺明車馬以今仗為目標﹔同場有「帶利財子」等前領馬，預計步速至少正常甚至偏快，形勢對後上食胡的「質超駒」有利。另外，此駒於谷草A欄一戰同程即勝，兼且今季楊明綸策伍廐馬跑A欄例有獎金，顯然已是捧場好時機。
　　
　　四連環配腳除「如願以償」外，「帶利財子」前速高，喜排一檔兼用梁家偉減磅要拖。新勝同程的「大把在手」雖然掛頭牌兼排十檔，但始終在港只跑四仗未見底，埋門頻頻拍跳亦顯搏殺決心，不難再下一城。

　　 至於「卡加精神」前仗同程贏「皆大歡喜」爆大冷開齋，計落居四班跑短途時刻具競爭力，換上蘇狄雄亦不能睇小。

歐陽志恆