賠率有路捉：萬人迷有墊底飛

魑魅魍魉

　　第四場「萬人迷」喺香港兩季跑過十九仗，一場披士都冇，而且陣上連番熱倒，捧場客一早死心離場，上仗跑同程四班泥地1200米仲係十七倍冷門，不過噚日早飛WP都有墊底飛，50蚊W已經好突然，位置仲要係16蚊大熱。睇番佢上仗初跑泥地即跑第四，明顯泥地性能好突出，難怪今戰有飛，既然仲未交代，鬥志唔使懷疑，一於追埋呢一次喇。   

　　第八場「飛快勇」最近狀態一直好沉，已經連續八場不入三甲，上仗同程三班1600米亦無段好睇，但睇飛今日信心唔講得笑，上次仲係十六倍馬，噚日早飛居然只得八倍，位置22蚊亦好有支持，推算有人預計隻馬今戰會交出好表現，呢注飛要信。

　　最近六期騎師王唔係韋達，就係柏寶，皆因家陣兩人爭緊冠軍騎師，無估錯今期非此即彼。今期韋達手馬有「陽明飛飛」及「國寶」，再加埋「長春樹」同「科研精英」，十幾蚊好合理。

周仲