賠率有路捉：又贏晒有料到

魑魅魍魉

　　第四場「又贏晒」近兩仗都係廿、三十倍冷門，而且輸得遠，但噚日早飛得75蚊W，26蚊P亦明顯有支持，信心比早前大得多。呢隻馬喺四班一定有利，小心幕後睇準呢鋪至郁手。

　　第六場眾人重心都放喺「名人」、柏寶嘅「連利威勁」、又或者韋達嘅「寶利多」度，邊有人會留意「睡得好」。「睡得好」喺香港跑咗廿場，只得兩度季軍，由最初88分減到家陣46分都仲未惡得出樣，但出奇地噚日早飛，居然係46蚊大熱W，位置亦係15蚊次熱P，明顯唔係普羅馬迷所為。既然佢上仗 1200米都有本事追入第五，又換上馬偉昌，再配合埋早飛，一定有計。

　　最近五期騎師王唔係韋達，就係柏寶，皆因家陣兩人爭緊冠軍騎師，鬥志加零一。今期韋達手馬有「旅英駿駒」及「有莊有閑」，再加埋「印度光輝」同「好快活」，有廿幾蚊算超值喇。

周仲