高清睇跑馬：喜鵲出頭在望

魑魅魍魉

　　今季總場次627田草五班1200米，「喜鵲」排五檔起步出閘夠快，但由於內檔的「吉祥寶駒」一直頂到實，故此早段仍見何澤堯積極推騎，希望盡早埋欄。入彎之前，此駒終於得償所願，成功切入內欄守黃金包廂位，前面有「時時有機」搶放，外側有「泰寶馬」作遮擋，形勢相當不俗。

　　入直路，「喜鵲」稍為移出中檔後即順利望空，最後拼入季軍，僅不敵「甜蜜至上」、「時時有機」兩匹班利分子。今番賀賢安排此駒增程跑1400 米，以往曾在同程入Q必合發揮，力足打開勝門。

　　另外，「天久」上仗在總場次685出爭一班泥地1200米，對住不敗之師「盈彩繽紛」仍被捧成大熱，足見有人對牠甚睇好。未知是否楊明綸初替「天久」操刀關係，這匹向來出閘利落之馬，竟然在開閘時將一對前腳並舉，頓失先機，雖然騎者之後已積極推騎收復失地，但始終早段用力太多，加上「盈彩繽紛」實力太強，最後只能屈居亞席。

　　不過，睇番「天久」當日仍交出快時間入Q，且遠遠拋離季軍「威騰」，絕對雖敗猶榮。今次方嘉柏安排此駒轉爭田草1400米，要補中冇難度。

Sam