|
|
昨日天雨冇停過，如果今日持續係咁，場地慢上加慢，唔慌會利後追。倒希望場地唔好出現巨大的偏差，不過在Ｂ欄本已利守好位跑法，仲要落埋雨，又係唔擺前多數衰的格局。
重心場次：第10場 第三班（80-60分）1600米 草地
一言為定上場贏到甩晒，予人的姿態完全唔同班，升班負輕磅，唔覺有阻力，而睇佢上場早段唔係幾跟得上步速，加程一試應有好冇壞。此外，咁輕磅柏寶都肯跑，有晒誠意。
「多贏勁駒」近兩仗在兜圈子，輸幾遠及名次落後，根本不用理會，總之今場肯返田草，又「無啦啦」用番徒弟仔，唔似冇胃口。如果跑得出之前入Ｐ水準，唔係冇得贏。「高手」冇明顯放頭馬，跑法上會賺幾多。「揀得正」贏完仍有Ｐ，其實幾難得，看來當打之勢蓋過評分阻力。
「超勁精神」長期追得吓，「中環英雄」地淋完全唔掂，表現好與否，天雨問題吧。「追月」經常唔會輸得遠，又係拖一注無不可。
第1場 新馬短途錦標 1200米 草地
盈彩繽紛只係循例講吓啫，6Ｗ冇咩好挑剔，但願佢有本事7Ｗ。「美猴王」上場塞到賽後柏寶畀人「卜」，換人好正面。
「皇仁勁駒」剛賽氣管多血，跑輸與實力無關，本身係幾好速度嘅馬，擺在前走，看看放到去邊﹖﹗
第2場 第四班（60-40分）1200米 草地
覓得寶速度夠，有埋好位配合，如果今日仍然有雨，更加啱佢，條件四正。「香檳歲月」休出後追勢勁，尤其該役係強組場合，更具跟進價值。
「駟馬難追」放得急會斷，陣上又蝕唔起，7檔真係尷尷尬尬。「麗晶之星」剛仗守好位但返嚟唔多，實力或體能差唔多到頂了，尊重2檔及新近曾勝，拖一票。
第3場 第四班（60-40分）1400米 草地
同歡笑明顯係放得過快，上仗才會於拉士力弱（頭兩段快過晒當日二三班），但有能力頂到尾叻。呢次如果利放，開正佢嗰瓣。
「信賴」分數差唔多到盡頭，尚幸近績穩定，正路之選。「光芒四射」及「鉅業光輝」經常在尾段湧得吓，今場或有驚喜。
第4場 第五班（40-0）1650米 泥地
乘風破浪難贏但演出算準，就算此程不及1800米啱衝，仍然不可低估佢嘅後勁。「人見人愛」唔夠重秤，居然上到名，賽績算破格。
「搏得過」一旦見好，而今次又肯加程配合，料會繼續搏。「將臣三號」擔心外檔蝕唔起而已。「荊山玉」要正常泥地才可展示超強的後勁。「爆發力」分量唔使多講，問題只係回夠氣未﹖﹗
第5場 第四班（60-40分）1650米 泥地
八發八中揸住輸畀「金獅猛將」和「天寶之威」的賽績，就算重磅仍有贏面，當然，10檔唔好令佢太蝕吧。「卓爾不凡」別無選擇，落到四班係等此程才有機。
「高明威威」唔擔心場地性能，只係介意佢嘅跑法，隨時追唔切。「天下寶」好早期已測試過泥地性能（季初三班同程初跑得殿軍），夠晒耐性去等，隔夜有十幾倍，怕咩博﹗
第6場 第四班（60-40分）1200米 草地
普渡馗初出幾乎贏到，如果唔係直路唔識跑直線，頭馬未必追到佢。總之初出有咁嘅水準，大抵已知唔少虛分了。「一路奇兵」上次已有貼，贏來唔算辛苦，如果計番佢開賽前其實係咁標汗，尚有能力放到算本事，可惜今次13檔。
「好歌」並無穩定性可言，但見上場放草後復出也有追勢，希望會繼續好。「勝利金剛」變化地識飛咁滯，加6分着數到暈。
第7場 第四班（60-40分）1400米 草地
漸信良駒轉到1400米效果唔覺有特別，而陣上仍見跑姿欠佳﹔希望經過一場實戰後可勝任，只要唔係應付唔到變化地，可補中。
「高歡」之前停過課，且看進度會影響多大，而嚴格來說，剛賽拉士係慳晒仍鬥輸，當然轉用韋達或幫到手。「三陽盛泰」有待改進，陣上太難留了。「好小子」 108磅的確係幾大賣點，尤其今次突用小將。「聚有盈」冇料，但步步尺七跑法，或在今場有賺。
第8場 第一班（110-85分）2000米 草地
火龍駒來到一班賽負磅減及加程至2000米，對佢都係好事，如果今場直路唔係再片，補中機高。「家家興旺」在一級賽跑得唔好值得原諒，但回到一班賽則反客為主。
「怡勝」終歸係有卡士，地淋亦應付到。「金碧亮馬」冇根據卻有賽績撐腰。
第9場 第三班（80-60分）1200米 草地
飛闖縮程及好位，對發揮幫到好多，話晒前仗同程黐住準一班馬「旅英駿駒」壓線，能力有晒證明。「霹靂槍」放得出，唔易畀人追到。
「一路順風」感覺上有「一路奇兵」的影子。「中國心」腳傷點都影響對其信心。「勁信心」上場跑得幾盡吓，未必即刻克服到升班阻力，充其量爭Ｐ。
第11場 第三班（85-60分）1400米 草地
騰雲駕霧如果上場唔係拉士塞車，斷唔會衝唔贏﹔今次出動到柏寶，係要負重，但檔好賺腳程，仍可秤先。「蓬萊仙子」跑得出水準，在二班也未必怕，何況目前處身三班。
「安鞍」外地賽績唔錯，試大閘又唔係冇走勢。「齊歡唱」上升潛力唔算多了。「奪寶」若冇馬走，或又一次用得到慢放戰略。「戶外名駒」計番贏馬一役水準，認真唔簡單。「歡歡樂樂」上賽跟好位返嚟爆唔起，且看眼罩幫到多少。 |
|
金睛卡
发表于 2010-6-27 08:49
变色卡
显身卡