葡兵想贏波要留鬚

胜保罗

鬍 鬚 是 男 性 嘅 象 徵 之 一 ， 成 面 鬍 鬚 或 會 予 人 一 種 充 滿 「 男 子 漢 」 魅 力 嘅 感 覺 ， 之 不 過 留 鬚 會 贏 波 就 真 係 奇 聞 ！ 名 叫 卡 蒙 拿 嘅 葡 萄 牙 球 迷 就 喺 社 交 網 「 面 書 」 搞 咗 個 群 組 ， 呼 籲 葡 萄 牙 國 腳 留 鬚 ， 效 法 好 多 建 奇 功 嘅 前 國 腳 ， 好 似 喺 86 年 世 盃 射 破 英 格 蘭 嘅 「 八 字 鬚 」 文 奴 （ Carlos Manuel ） 咁 ， 而 唔 好 似 基 斯 坦 奴 朗 拿 度 （ C 朗 ） 咁 青 靚 白 淨 喎 ， 而 暫 時 個 群 組 已 超 過 6 萬 人 參 加 。 查 實 個 球 迷 咁 講 都 係 想 班 球 員 唔 好 過 份 「 姿 整 」 ， 畀 心 機 踢 好 波 ， 之 但 係 葡 軍 86 年 嗰 屆 世 盃 分 組 賽 出 局 ， 睇 嚟 「 留 鬚 贏 波 論 」 都 係 得 啖 笑 。