邦理揀馬：勁有盈以逸待勞

魑魅魍魉

　　第二場四班1000米，「常山鳳寶」曾於三班谷草1200米力壓當時銳氣正盛的「新薪」得第二，而前仗於總場次548谷草三班1000米得第五，頭兩名馬再出於三班賽取勝，足見賽事水準高，這匹五歲英國自購馬在港未開齋，或許跟本身較遲熟有關，目前降到四班應有微利，久未交代之馬鬥志一層絕無疑問，有內檔之助可出頭。

　　「領航動力」對上五仗谷草短途全入三甲，可見演出準繩，九歲老馬保養得宜，負輕磅宜繼續追捧。「千兩寶寶」上仗初出，於谷草1200米放得有聲有色得第四，頭三名馬再出不勝有位，明顯屬強組賽績，三月尾復課後，埋門操練正常，縮程跑1000米有權帶到。「馬中神駒」此程首本，轉馬房久休復出有以逸代勞之利，除去所有配備有條件變身。

祥勝愛駒人馬合拍

　　第八場三班1200米，「勁有盈」上季初跑此程即勝，今季於三班經常排外檔，形勢不利下仍所負不遠，正所謂「季初拼得多、小休再搏過」，季內未交代之馬唞兩個月再出，用十磅仔排一檔已是萬事俱備，同場有名氣馬擔飛更值博。「祥勝愛駒」北半球自購馬難得甚快適應水土，排二檔可跟守「勁有盈」之後好跑，重配曾合作贏馬的蘇狄雄，三甲甚穩。

　　「大旋風」同程六次全入三甲，跑谷草1200米遇任何步速也能例爆一段追勁，當銳四歲PPG精英要尊重。「活力至寶」上仗初跑此程一放到底，而且跑第二為實力指標「御將軍」，可見實力並不簡單，即使體重再跌也要拖。