韋達唧都唔笑 富高勝搏硬！

魑魅魍魉

文廐尾場參戰馬「富高勝」，升上二班後隔紗贏馬方程式斷纜，然而最近三仗均跑入亞軍，只敗於「盈彩繽紛」及「醉味」等強手蹄下，反映實力還未見底。今戰回配贏馬拍檔韋達，昨晨騎者於大圈為馬匹作最後試跑，文家良專程走出烽火台向騎者畀指示，然後返回食胡位，左手打錶右手舉鏡，緊盯馬匹跑姿，動態殊不簡單。韋達剛周中谷戰食白果之餘，再被柏寶拋離多兩場頭馬，稍後又要停賽兩日，連朝晨課笑容欠奉，顯然心有不甘，明日他勢必把握贏馬機會，作出大反擊。