洪禮賢講馬：利好博得過

魑魅魍魉

　　第6場三班1650米。「福喜」近仗不論在陣上表現和成績都不對勁，明顯立心減夠分落班，敗績無謂介意。若真係要計，四仗前有本事在二班1800米入P，直路仲一度拍住「極品絲綢」鬥過吓，賽績並唔簡單。按近期喼得住跑頭，基本狀態有喺度，終於真真正正跑番三班賽，分利馬係時候回復本來面目。

　　第7場三班1800米。「利好」（圖）上場有拖，當時指出其態況已走出谷底，結果可頂住「印度光輝」、「紅跑車」等駒入Q，唔係冇水準。勢頭剛起但唔等田草，轉戰盲門谷草，練者唔通想撞板？！咩葫蘆賣咩藥唔知，惟上季中曾在同程得殿軍，性能未至於完全唔掂，有分頭的話，呢匹復甦嘅馬博得過。