賠率有路捉：聖法理熱透有計

魑魅魍魉

　　 尾場「聖法理」名氣大，係新西蘭種馬錦標亞軍，但一連兩仗成為熱門都贏唔到，前仗谷草跑第六，上仗面對「雅雪」完全冇還擊之力。不過噚日早飛嚟得好勁，獨贏熱到得18蚊，位置仲要係1.0，根本冇將上仗頭馬「雅雪」放在眼內，明顯有人好有把握今日佢表現會截然不同。

　    第四場「天之驕子」上仗只係贏五班賽，呢類頭馬升上四班通常冇乜人吼，但噚日早飛獨贏居然係38蚊大熱，遠遠拋離啱啱贏完四班賽嘅「豪情拍檔」及「旺舖福星」，呢啲一定唔係公眾飛，何況咁早隔夜買定，應該係出自一啲有識之士，呢注飛絕對信得過。

　    騎師王方面，韋達騎足十場兼一手惡馬，居然有廿幾蚊咁好分，有古怪。既然鍾意「天之驕子」，加上柏寶仲有「壽比南山」、「蜚聲」同「綠色駿駒」，四十幾蚊搏得過。

周仲