主場謝幕戰戴拿模搵到銀

猪拉多纳

美職常規賽進入尾聲，侯斯頓戴拿模已肯定無緣季後賽，但明日清晨主場謝幕戰對洛杉磯銀河，自然想贏波答謝球迷。銀河今仗有星級中場謝拉特同前鋒羅比堅尼缺陣，實力大打折扣，加上近6場作客未贏過，阿King一於撐戴拿模，1.9倍平手盤捧主隊。

（TVB 303周一清晨5時直播）

侯斯頓戴拿模今季表現跌Watt，導致球隊無緣季後賽，不過呢班波近期演出有番啲起色，近7仗2勝3和2負，落敗兩仗只因對住西岸榜首科羅拉多急流同東岸「二哥」紐約城。戴拿模日前作客0比0打和前列嘅西雅圖海灣者，表現唔錯，主場謝幕戰應該交到好成績。
串紐約城下盤×FC達拉斯Ｗ

銀河現時排西岸第3，季後賽資格基本上冇問題，但近期表現就見回落，對上3場波未贏過。銀河現時飽受傷兵困擾，謝拉特同隊長羅比堅尼都有傷，而中堅雲丹美亦要停賽，前中後都有主力缺陣，加上近6場作客只得4和2負，平手盤阿King都係揀番侯斯頓戴拿模。

其餘賽事方面都好推介，華盛頓聯隊雖然3連勝，但今仗遇上美職作客表現最好、正力爭東岸冠軍嘅紐約城，仲要讓平半冇運行，一於捧紐約城下盤。

（周一凌晨3時開賽）

最後FC達拉斯主場對西雅圖海灣者，海灣者今仗有中場奧斯禾度阿朗素及艾雲舒捷斯倦勤，對球隊影響甚大，加上FC達拉斯個常規賽冠軍仲叫緊胡，鬥志秤先，捧1.59倍主勝好過。

（周一清晨5時開賽）