洪禮賢講馬：美猴王玩晒

魑魅魍魉

　　第九場二班1200米。「美猴王」跑5場得4Ｗ1Ｐ，輸嗰場點解輸，相信大家心中有數，個人認為完全同該役縮落1000米無關，輸在韋達心怯，入到直路有三條跑線可選擇，最終揀咗條最錯嘅內線；之後嗰場轉到柏寶手上，贏到對手完全冇得跑，好明顯評分仲有排上。呢次用番韋達，為公為私，斷唔會演繹得曳，呢匹超級馬唔難保持此程不敗紀錄。

　　第十場二班1650米。「好兄弟」前文已帶出今場Ｐ可能當Ｗ買，始終佢熱極有個譜。至於實力方面，季初二班1800米在全程外叠，轉彎又蝕的劣勢下差點有Ｐ，證明在此班唔係冇得揮，呢次唞夠再出，部署與上季近似，換埋人就更似樣。