杜塞爾多夫當弗唔赦凱沙

猪拉多纳

今晚賽事唔多，阿King精選一條過關3串1畀大家，以德乙凱沙羅頓主場對杜塞爾多夫作為重心。凱沙羅頓開季後表現持續低迷，包括連盃賽在內，3場都贏唔到，上仗德國盃更加衰到被丙組球隊賀利舒查淘汰，今仗遇上兩連勝嘅杜塞爾多夫，凱沙羅頓竟然仲要讓波，梗係捧對家讓球客勝啦。

（周二凌晨2時15分開賽）
凱沙羅頓「季初病」勁嚴重

凱沙羅頓近年都屬於爭升班分子，但今季表現卻走晒樣，開鑼戰主場慘吞漢諾威4蛋，之後對新升班嘅禾斯貝加踢球者，都贏唔到，上仗德國盃踢到加時，輸埋畀賀利舒查，睇來凱沙羅頓患上「季初病」，球員仲未上力。屋漏偏逢連夜雨，凱沙羅頓中場摩列斯上仗勇戰受傷，今仗形勢更加危。

至於杜塞爾多夫剛好相反，表現弗到漏，喺聯賽以1比0擊敗史特加後，上仗德國盃大勝羅斯托克3比0，今季3戰取得2勝1和。同埋佢哋近4次作客凱沙羅頓，獲得2勝1和1負，今仗有得受讓，實在非常着數。

次關法乙索察主場對比斯特，索察近期飽受傷兵問題困難，門將奧利華華拿早前嚴重受傷，需要長抖，加上前鋒穆沙沙奧、馬古斯杜林、中場貝倫古亞、拉馬利都有傷在身，人腳甚為不整。比斯特聯賽3連勝，受讓好抵玩。最後巴甲帕拉尼恩斯主場對保地花高，帕軍已連輸4場，而且冇波入，毫無反擊之力，保地花高近5仗4勝，夠料再下一城。