馮諾嘉手記：特寶樂強項出擊

纯情小彩迷

　　擁有一匹招牌馬對於一個馬房唛講的確好重要，好似告達理今季獲得馬王「好爸爸」來投之後，的確係順風順水，雖然呢隻馬遠征杜拜無功而還，但廐侶「時尚風采」就捧走咗阿喬斯錦標，順利為港爭光。

　　相反，自從「好爸爸」離開薛之後，薛達志沉足大半季，成績長期處於包尾位置，真係令人大跌眼鏡。幸好，剛戰佢終於憑「好機緣」同「綠翔王」起孖，雖然只係贏咗兩場五班賽，但練者已開心到見牙唔見眼，睇咗呢兩場頭馬確有振奮作用，即管睇�蓄^馬會否陸續有來喇！

　　聽晚第六場三班1000米，小妹鍾意「風之子」，上場響同程贏成兩個幾馬位，姿態有餘未盡，今場負磅雖然重咗少少，但相信都可以克服，有力贏馬升班去。配腳有連贏兩場嘅「同心威駿」，當起馬照計三甲一席好穩陣。「勝在分秒」近三仗非冠即亞、「尚駿心」上仗亦開始跑近，宜一併留意。冷腳可博「期望」，近兩場跑田草同泥地1200米敗不作準，返嚟谷草隨時變身。

　　第八場二班1650米，揀咗「特寶樂」做膽，雖然近兩仗都只係跑獲亞軍，但其實兩場都係步速受害者，能夠入Q已經好本事，今場回師強項一哩，用埋楊明綸減磅上陣，應該可以贏番一仗。配腳先揀「幸福紅椒」，贏馬開竅後可能仲有進步。「包裝老友」跑法主動，可能會食到形勢。「精彩生輝」夠準，排外檔亦都可以克服。「金碧亮馬」後勁強，殺入三甲一席唔奇。