高清睇跑馬：易搏贏賽績堅

纯情小彩迷

　　今季總場次364谷草三班1650米，「易搏贏」初跑此程兼排十二檔起步，賽前當然信心欠奉，臨場屬20倍冷門，但白德民跑來卻極有心機，因應排檔選擇留前鬥後，轉第一個彎時已切入走二叠，去到對面直路更入埋內欄，跟住「億銘之寶」留守包尾位置。

　　轉直路彎時，「易搏贏」開始加速並抄出大外檔，起初衝刺未算勁，但過了二百米後便愈衝愈勁，最後僅以短頭位之微輸給「開心歡樂」得第二，表現相當出色。再看該役季軍「沙貝利」之後連贏兩場，更證明賽事水準甚高。今仗賀賢終於安排「易搏贏」回師谷草一哩，抽得一檔起步可打開勝門。

　　另外，「駟馬難追」於總場次366的田草四班1000米首度上陣，當日落着滂沱大雨，結果此駒不敵「盈彩繽紛」、「科研精英」等強手跑第五，雖然未能躋身三甲，但睇番蹄下敗將「飛魚駿王」再出亦上名，足證賽事水準不差。

　　上仗「駟馬難追」在總場次415再爭直路賽，排一檔起步全程走不利場地，在劣勢下能所負不遠跑第八，表現其實不差。今次轉爭谷草1200米，排四檔起步好跑，隨時可現真身。

Sam