|
今季總場次170谷草四班2200米，「勝利福星」出閘起擒失先機，柏寶要打鞭推騎先開步，首次轉彎時遙遙落後，轉最後彎時更拉出最外檔衝刺，起初騎落反應一般，去到百五米仍未入鏡頭，豈料撻着後卻愈追愈勁，終點前以凌厲後勁趕過對手，拉士幾步更見柏寶收韁贏馬﹔最吸引是早段步速不快，排十二檔的「瀟洒大少」亦可放出，便知此役留前鬥後贏馬的難度極高。
長途馬出路有限，「勝利福星」最近兩仗跑1800及2000米似乎仍嫌短，難得今戰編排2200米大長途，幕後必然把握機會搏殺﹔埋門試閘正是方廐出擊先兆，穩膽之選。
另外，季內總場次310谷草三班1000米，「xxx之星」縮程而臨，出閘反應慢及早段未能跟上步速，柏寶見此即大力推策，並跟在馬群中偏後的內叠位置。到最後彎位時，柏寶卻將坐騎拉出最外叠，推騎下反應凌厲，入直路後更逢馬過馬險勝「相見歡」取得首捷，末段締速22秒29，亦是同場最快的末段時間。
「xxx之星」於澳洲三戰1000米至1200米獲一勝兩位，可見短途實力甚強﹔這次排一檔，形勢較上仗勝時好得多，而且最強對手「美猴王」縮程兼排九檔未必穩勝，賠率懸殊一於推介「xxx之星」。
Sam | 
金睛卡
发表于 2010-1-27 10:37
变色卡
显身卡