第九場告東尼打骰

不死鸟

前晚大熱門表現不差，「多多昇」、「福勝滿載」、「輕越直前」勝出，另有「帝豪龍駒」入Q及「鄉村傳奇」跑第三，即係買Q唔捧大熱門，一半場次無錢收，不過「輕越直前」用10磅見習生蘇狄雄竟然可以捧到得32蚊，信心之大實在始料不及，但係同場唔少馬匹跑來表現古怪，好似「錢程萬里」抽黃金1檔，鞍上人寧願採用守好位跑法，惟首次轉彎之際留到人馬角力，直路唔移出外欄選擇走內檔打衝鋒，睇見都好唔「開胃」。
蔡明紹復出，韋紀力特別客串1天；告東尼配合徒弟復出，出馬大陣仗，第九場更加三路興兵，蔡明紹騎「羅馬」，「牛精財星」起用梁家俊，而「絕塵」夥拍馬偉昌俱有實力，唔排除包辦馬房Q。
「羅馬」上場未開氣下全程走3疊就當1課試閘好了，熱身後有權變身。「牛精財星」一連兩場都衝得勁，確認有復甦勢頭，田草1800米最有把握，有權取得久違了的勝利。「絕塵」看似機會較次，不過跑法主動可賺到形勢，不敢睇小。