新蝦王無入錯貨

不死鸟

今期有5匹自購馬登場，其中3匹係練馬師團體馬，有睇今期馬簿《人物特寫》一文，誠如李易達所言，練馬師買馬很講運氣，經常會睇錯。由李?團體馬「真心」講起，這匹「得寶飛駒」半兄弟，在紐跑開1400、1600米慣性跟前，短途鬥快非強項，熱身居多；方?「福勝滿載」響澳洲昆士蘭一戰即勝，細場必可勝任，月中試谷閘掄元，為日後渡江發展鋪路；姚?「財駿福星」在紐7戰最差第五，初時1200、1400米限於上名，要到第六仗扳至1600米才開齋，睇片匹馬大步「靠檻」，跑長好過跑短，而且一直戴開眼罩或面箍上陣，脾氣未馴適應需時。
餘下兩匹，「搖滾雄豐」響法國兩勝短途表列賽，膠沙及草地各一場，始終係純美國種，感覺上泥地本領較高；至於「新蝦王」在紐兩戰一勝，初出已贏70分讓磅賽，落敗一役為二級賽，反映上手自視甚高，信「蝦王」系甚少入錯貨，落地後試兩個閘均走勢含蓄，縱未必有「好友福」般級數，初出也有望躋身前列。