告仔高手中的高手

猪拉多纳

　　演出波幅馬玩得是否高明，將直接影響公眾馬迷對該駒睇法，甚至左右馬迷判斷力。在現時二十四中，不乏手法低劣者，人玩佢又玩，不顧馬房形勢不利，成績告急，甚至妄顧旗下馬主利益及感受，這類馬房通常我都會放埋一邊，既然戰意難測，練術又不覺得高明，投X十之八九付諸東流，何必費神，花大量時間去研究。原因好簡單，賽馬遊戲並非像其他事情，任由你花費幾多時間都可能沒有回報，種瓜得瓜的道理人人都明白，唯獨是賽馬，種瓜得豆的情況經常都會發生，故研究這類手法並不高明的馬房，隨時得不償失，太不值得了。雖然明知馬匹實力係超班，也寧可錯過放過，也不應抱一絲僥倖心理。

　　在筆者眼中，現今練術高明練馬師大有人在，高手雲集，將重點放在這些馬房，回報賠率不一定代表低。高手中的高手非告東尼莫屬，就以剛季為例，演出波動馬多為高班分子，還記得「美麗昇華」谷中爆出59倍大冷嗎？全靠實力掩藏得好，予人錯覺實力已盡，便在主場谷草爆畀你睇。

　　另一匹「將男」更加是令人五體投地，上季三捷兼贏埋級際賽，受演出波幅影響下，賠率一次比一次冷。