澳系人馬勢力大柏寶坐騎信得過

猪拉多纳

　　近期澳洲幫大行其道，每期賽事有若干數量頭馬，都係由佢勝出，呢個時候唔吼實呢股勢力，好似係同錢作對。有呢個情況出現，多多少少係馬會造成，季尾搵搵去都澳洲揀人，依家打開排位表一睇，一場賽事之內，少則三四位澳洲騎師，多則五六位，而且，個個唔係騎死馬，都唔知會開邊瓣。

　　潘頓停賽唔好計，呢期當紅澳系騎師有柏寶、布文及貝湯美，呢三位全部係騎得之人，只要有好馬在手，一定交足功課。比較過佢今次賽事坐騎，都係覺得柏寶最信得過。

　　第四場開始件件筍

　　今晚夜賽，佢騎七場，第一、三場兩匹坐騎，點睇都唔似爆得，無謂走去填。由第四場開始，一直數到落尾場，發覺到佢件件係筍，都咪話唔巴閉。先講第四場「威勢之寶」，上個禮拜仲三班呢項路程後上得第四，隔一周已經落四班跑，邊有咁數；第六場「驪龍」，畀蘇偉賢養番好，四班冇有怕；第七場「龍華太旨」，已贏五場頭馬，同場邊有對手有佢咁堅。

　　Jack