鼓浪春風轉倉即拼

猪拉多纳

　　頭場五班直路賽，由於甚少編排此類同班同程賽事，所以14匹正選馬中無一贏過，曾上名的亦只有三駒，形勢十分混亂。比較上，應以「鼓浪春風」最可取，同程三戰獲亞季負各一，加上轉投蘇保羅馬房後操足先跑，擺明有唔好唔出的部署；梁家俊騎過四次獲一勝一位亦見合拍，最重要是排得13檔好位可盡早埋欄賺形勢，坐位望贏應不難做到。

　　「金銀花」則由沈轉投徐初出，此駒一再於陣上顯示速度，更曾在四班跑獲殿軍，現居五班必有數，上月尾一課大閘由頭放到尾，貫注力加強明顯有進步；今仗除去所有配件應有新鮮感，可爭一席。「大威風」雖初跑直路賽，但埋門贏同程大閘走勢不俗，只負113磅有力威脅。

　　第二場四班直路賽，「明多多」上仗在港初出跑同程，若非鞍上人跌鞭及本身持續內閃，最終未必負半個身位得第三，可能會有更佳名次；至於頭二馬「神奇小子」及「秋月春風」再出繼續上名，反映賽事水準不差，「明多多」這匹質新馬番個零月再跑，體力夠之餘應繼續進步，可望贏馬補中。

　　「帝飛星」初次上陣，但上周試直路大閘，走來有前有後，成熟程度更足，隨時可以一鳴驚人。「蜜圈」田草1000米兩度上名，現時應以此程最好，排14檔形勢有利，騎練可望繼「大行情」後再於直路賽上名。

　　耀鈞