慣勝福星轉泥放到

猪拉多纳

　　尾場二班泥地1650米，一對高分馬「摩法神采」及「經典皇牌」同程賽績佳，必然較受注目，不過兩駒分別要負133及132重磅，對陣上發揮始終有一定影響，頂多作為配腳。重心睇好「慣勝福星」，在港初出便是角逐泥地，該仗1200米於直路曾受困下，竟可造出22秒91快末段追入第三，足證場地性能突出，但之後卻未嘗再戰泥地。

　　「慣勝福星」今季跑過七場，只得兩場季軍，反映現評分跑草地已難爭勝，轉戰泥地應是唯一出路，況且今場排得二檔亦有利其均速跑法，隨時一放而回。

　　「迎風飄揚」前仗初跑同程泥地一哩即勝，仲係彈甩對手，場地性能出色，有力征服二班。

　　另外第七場三班泥地1650米，「準備就緒」上仗賽前曾試一課泥閘，在沿途大墮後下，單憑一條直路竟輕鬆追回一席接近第二，泥地之佳不用懷疑。今仗升班孭輕磅轉攻此程配貝湯美，形勢有利，勝望甚大。

　　冷門可吼「好先生」，同程四戰獲亞季殿第五各一，九歲老馬現階段應以此程最有把握，唞番兩個月再跑體力足，有力爭上名。（向東）