牛精叻仔$12今年最熱W

猪拉多纳

頭場田草1000米直路新馬賽，由告東尼馬房熱到透1.2倍嘅「牛精叻仔」大勝三個馬位而回，炮製2014年最熱W，至於一對同主馬「誇惑」同「控惑」則分列亞、季，而值得一提，今季兩場新馬賽均由去年十二月馬會自家出品嘅拍賣會包Q，非常快熟。
       
牛精叻仔換莫雷拉按韁大勝。
馬主中T收十萬

「牛精叻仔」今場由莫雷拉接手成功補中，馬主王永強對呢位神級騎師有讚無彈，另外他亦重注買中呢條十二倍三重彩，袋十萬銀，名利雙收。王永強睇好愛駒前景，佢表示「牛精叻仔」雖然走姿仍較稚嫩，但跑過兩仗盡露優厚潛質，下場將挑戰沙田草地千二米，並且有信心可以再下一城。