華麗登場步幅開揚

猪拉多纳

　　昨晨出跳馬踴躍，超逾五十匹有賽程馬先後考驗，加上草地千八米開放供馬匹試跑或彈閘，益增睇頭。

　　「華麗登場」柏寶在草地彈閘，步幅開得闊，身壯力強，朝氣蓬勃，近況不差。

　　「真如燕」柏寶試八百米，全程人馬角力，走來火噴噴，成熟程度與日俱增。

　　「聰明波」蔡明紹試八百米，腰身比前柔軟，動作靈巧，神態活躍，進步良多。

　　「勝利星將」柏寶試八百米，蹄姿輕快，過直路從容淡定，情緒更集中，續好多少。

　　「君子協定」潘頓試八百米，腳法嫻熟，神生火旺，進度一日千里，冒起甚速。

　　「寶德」李寶利、「繽繽紛紛」楊明綸相偕試八百米，前駒佔先一乘帶放引導，後駒亦步亦趨，早段因時間太慢，「繽繽紛紛」有點搶口，直路加快腳步，幾個箭步便將廐侶超越，贏大半個馬位過終點，易放難收，狀態有進冇退；「寶德」腳頭硬朗，保持勇健。

　　「勁利多」副練試八百米，清風送爽完成，出腳利落，彈力充盈，勇不可當。

　　「盈豐駿駒」助手、「招財快駒」郭能聯袂試八百米，前駒佔先兩乘帶放，最後二百米外檔的「招財快駒」加速趕上，未分勝負，走來似模似樣，懶性大減；「盈豐駿駒」走勢仍生硬。

　　同友運加速力強

　　「同友運」助手與「真綵」郭能結伴在草地彈閘，均應聲而出，並肩爭持，最後一程「同友運」加速帶離，結果贏一乘而回，步大力雄，勇況持續有餘；「真綵」懶性漸減。

　　「聰敏不凡」薛寶力試八百米，腳法瀟灑，收身上力，進度理想，絕非等閒之輩。

　　「經典皇牌」助手在草地試八百米，愈跑愈快，衝刺挺勁，體力已復，頹氣盡消。

　　「好靚仔」楊明綸在草地彈閘，韋達策「包裝好好」相伴，均躍出順利，前駒一路緊隨廐侶，最後二百米展步上前一齊衝線，走勢爽朗，勁力均勻，仍具作戰水準；「包裝好好」初起階段。(金石盟專欄)