基達菲馬體會難分高下

猪拉多纳

唔少人都覺得皇馬同馬體會為西甲「二哥」之位爭崩頭，但查實最終邊隊排名較前，都可以直入來屆歐聯分組賽，實質分別有限，反之兩隊之後喺西班牙盃決賽正面交鋒，先至係真正終極對決，難怪雙方近期喺聯賽表現都傾向反覆。

就以一度保持主場全勝嘅馬體會為例，近兩次喺自己地頭都贏唔到，作客勝率亦不足一半，王牌射手法卡奧腳風亦都唔順，直至上場先打破連續3仗入球荒，足智彩今場為呢位哥倫比亞射手開出「先發事件」項目，2.12倍嘅「入球」真係熱得嚟又唔穩陣。
近11次主場不敗

好彩馬體會近5次作客有4場不失，今晚西甲造訪近11次主場不敗、兼連續4次保住清白之身嘅基達菲，如果嫌1.66倍入球細唔夠好分，不妨直取3.25倍和波，如果想更進取的話，8.5倍嘅「無首名入球」亦都可以一試。
足球重心：基達菲（和、無首名入球）

馬膽推介：8場(8)陽明飛飛

上場喺「精英碟」遇上超慢步速，前4名都係全程跟前，唯獨跑第5名嘅「陽明飛飛」喺末段追番唔少失地，亦係季內表現最出色嘅一仗，今仗若有廐侶「傲男」拉快步速，相信形勢會截然不同。