紐約紅牛乘勢滅火

猪拉多纳

碧咸離開洛杉磯銀河後，紐約紅牛可能係目前美職最具星味嘅球隊，除咗大家熟悉嘅亨利、卡希爾之外，今季仲加入巴西罰球專家祖連奴比南布肯奴（P祖）前場人腳非常鼎盛。經過季初一段磨合期，球隊上周終憑星級射手亨利取得個人今季開齋波，主場以二比一擊敗費城聯，打開聯賽勝利之門，今周佢哋作客積弱嘅芝加哥火燄有望再下一城。主隊頭四輪聯賽一和三負，其中有三場交白卷，演出一無是處，平手盤捧客軍。

（周一清晨5時開賽）