FC廣州主場顯神通

猪拉多纳

今日有場亞冠盃賽事值得留意，FC廣州（恒大）係中國希望，呢班波管理層不單識搞波，仲識搞生意，依家隊內有優質土炮，亦有星級外援，成功平衡到勢力，呢點非常重要。廣州身處死亡F組，場場波都唔易踢，今次主場對住同組最弱嘅泰國球隊蒙通聯非炒不可，讓得多都唔怕，照捧上盤。

（now 670周三晚8時直播）
加拉塔沙雷唔好恰

另外歐聯八強戰第二日賽事展開，今次想同大家講吓皇馬對加拉塔沙雷，係人都知皇馬級數高好多，但依家踢到八強階段，強弱隊分野真係唔大，皇馬讓到兩球、兩球半，甚至有行家做緊兩球半，個盤真係離晒大譜！大佬，加拉塔沙雷假假哋都有個杜奧巴同史奈達，唔係任人魚肉家嘛，呢場擺明讓多咗，可博下盤。

同日另一場賽事係馬拉加主場對多蒙特，初盤多蒙特作客讓平半九水左右，開售後陸續有人玩上盤，部分菠菜公司開埋個半球盤，多蒙特有超高水。

老老實實，馬拉加喺西甲踢得唔差，主場出擊真係唔嘢小，呢場波正路嚟講應該係開平手盤，多蒙特要讓波已經過咗火位，讓到半球直頭係過分，呢隻下盤亦可留意。
肥叔心水

FC廣州 上盤

森多利亞 大

馬拉加 下盤

加拉塔沙雷 下盤