維拉利記獨腳戲 鬥做「大」騷

猪拉多纳

王牌射手搶分孭重飛

英超今晚上演獨腳戲，由阿士東維拉主場迎戰利物浦，呢兩隊波目前都有急切搶分壓力，維拉護級形勢水深火熱，紅軍就要為歐洲賽資格而戰，今場肯定毫無保留大打進攻足球。既然維拉同利物浦依家最煞食都係強大鋒力，賓迪基同蘇亞雷斯兩大射手過招，唔捧1.62倍入球大就對唔住自己啦！

（有線200及300周日晚8:30直播）
維拉賓迪基「新杜奧巴」

維拉今季沉咗大半季，直到近排先開始上力，比利時前鋒賓迪基更加係光芒四射。查實呢位射手身位、體形、射術都一流，只得22歲嘅佢畀人感覺好有杜奧巴影子，如果唔係佢入波咁多，維拉依家隨時包緊尾，球隊最近2連勝佢都有波入，今季聯賽累積入咗13球，認真犀飛利。
紅軍哨牙蘇搏命抓轉會

維拉有賓迪基，利物浦亦有蘇亞雷斯壓陣，呢位烏拉圭王牌今季有幾堅都唔使我多講，不過佢早排就放風話想踢歐聯球隊， 令唔少紅軍球迷非常擔心。雖然離離合合嘅嘢話唔埋，但蘇亞雷斯無論想博更多大球會垂青，或者為利物浦爭奪歐霸甚至歐聯資格，剩番嘅賽事都必定落足力數胡。

查實呢兩隊前線都有唔少焦點，除咗賓迪基同蘇亞雷斯兩大射手，安祖斯韋文同菲臘比古天奴兩大新星亦好值得留意，安祖斯韋文已被譽為「新韋舒亞」，菲臘比古天奴亦係巴西新彗星，佢兩個侵略性嘅踢法既實際又好睇，齋睇雙方進攻牌面，已經知道買入球大冇走雞啦！
維拉主場例失波

‧維拉近10場比賽9場開大。

‧維拉連續9場主場比賽有失球。

‧利物浦連續5場開大。

‧利物浦7場作客僅1勝。
紅軍作客唔穩撐維拉

利物浦作客一向唔穩陣，可以大炒韋根4:0，跟住大敗畀修咸頓1:3，加上首席射手蘇亞雷斯遠赴南美出戰2場世盃外圍賽，長途跋涉難免影響發揮。相反維拉最近反底連贏2場，今季又試過作客3:1砌低利記，有助提升信心。既然近4次交手維拉取得2勝1和1負，2.22倍「讓主」抵博。
頂占筍盤：阿士東維拉（入球大）