鍾意利物浦有前冇後

猪拉多纳

一個星期唔算長，但咁耐冇聯賽睇好多球迷都冇乜癮。其實唔知道啲國際賽周，可唔可以一次過押後到球季完結後先至踢呢，一來國家隊召兵方便啲，我哋球迷睇聯賽又可以一氣呵成，狀態好嘅球隊又唔使打斷道氣。

不過，有啲波打斷道氣唔使講理由，講緊就係利物浦，明明連勝幾場，突然間又可以打場渣波出嚟激死球迷！就如首循環主場輸畀維拉真係笑大人個口，呢班波真係信多次都死。若要捉路，倒不如追捧佢哋入球大！佢地近19場開咗17場大，今季聯賽開大比率高達70%。唔講唔知呀，原來利記踏入2013年後已取得26個聯賽入球，係英超之冠，除咗蘇亞雷斯入球停不了，小將菲臘比古天奴及史杜列治都交到貨，加埋達寧鹹魚翻生，令利記攻力一時無倆！可惜紅軍今季後防退步得好勁，除咗連拿表現平平外，丹尼爾艾格、加歷查、史卡迪爾，任你羅渣士點出呢3位中堅都無個踢得好，搞到場場失咁多波，而小妹正係鍾意佢呢個有前冇後嘅特性，近呢十幾周買利記大真係贏到笑！

主隊維拉呢排個勢唔錯，為護級場場搏盡，前線賓迪基狀態大勇，上次雙方對賽就係佢大發神威作客搞掂紅軍。呢位新星已畀國米、熱刺、曼城睇中，當然要繼續踢好波提升自己狀態！
維拉防線曳 博埋半場大

加上今仗有戴倫賓特復出，戴爾夫又停賽完畢，維拉人腳更完整。只係維拉失球數字係全英超第二多，僅僅少過雷丁1球，主力守將施亞蘭奇勒仲要喺上周中國際賽對奧地利時受傷，對後防更雪上加霜！數據上利記近19次半場有6成8開到大，貪賠率嘅朋友可以大細注分散投資，博埋個2.35倍半場大。
Kit推介：維拉 入球大