留力撼巴塞PSG歎細界

猪拉多纳

國際賽過後，今晚有唔少聯賽重燃戰火，其中法甲獨腳戲，由富豪球隊巴黎聖日耳門主場迎戰蒙彼利埃，由於聖門射手伊巴謙莫域剛獲歐洲足協減刑，下周中歐聯對巴塞可以披甲，「萬人迷」碧咸最近又飛去中國頻頻撲撲，加上喺聯賽已甩開里昂，留番啖氣鬥巴塞好過喇，蒙彼利埃防守硬淨，阿King覺得呢場唔慌多波入，捧細盤。

（周六凌晨3時30分開賽）

由於里昂、馬賽頻頻失分，令聖門喺聯賽領先五分穩居榜首，佢哋日前又收到好消息，之前喺歐聯16強首回合對華倫西亞領紅被罰停賽兩場嘅伊巴謙莫域，剛獲得歐洲足協減刑至停一場，意味住伊巴可在下周中歐聯對巴塞可提前復出，年紀唔細嘅「萬人迷」碧咸，最近遠赴中國六日做中超大使，頻頻撲撲都咪話唔攰，既然聯賽優勢明顯，教頭安察洛堤寧願畀佢哋抖抖，養精蓄銳火併巴塞好過，預計今仗會多派副選上陣。
朗斯正氣撐得過

上季聯賽冠軍蒙彼利埃雖位列第七，但仍有機會爭歐霸入場券，呢班波防線回穩，近五仗只係失三粒，以其硬淨嘅踢法，與未能全力以赴嘅聖門周旋未必輸蝕。

至於荷乙禾寧丹憑住無堅不摧嘅火力，歇冬後愈戰愈勇，主場勢必狂炸幸運薛達，就算大細中位數調至3.5球都冇有怕，照揀入球大。最後法乙朗斯四平八穩勁正氣，應贏則贏，自舊年十月起只輸四仗，全部都係勁旅，今晚作客質態皆曳嘅克萊蒙特，朗斯受讓捧得過。