意大利贈雙蛋啱數

猪拉多纳

B組馬爾他主場對意大利，馬爾他喺意大利隔籬，雙方好似一家人，喺語言、宗教、飲食等都有好多相同之處。就算馬爾他國家隊主帥基赫甸都係意大利人，以前教過意大利女足同做過意大利國家隊教練團隊成員。實在兩國關係非比尋常，所以「藍衣兵團」每次到訪馬爾他都會「就住」踢，就算贏波都係一球起兩球止，絕唔會令馬爾他喺主場太失威。

（周三凌晨3時45分開賽）

翻查歷史，意大利曾經兩度作客馬爾他，四屆世界盃冠軍先後以二比○及二比一擊敗呢支世界排名147嘅球隊，預料今次意大利都唔會「大蝦細」咁衰仔，作客贏兩粒就啱啱好，今場○比二波膽有成4.5倍，值得捧場。