智利主場不勝無圭

猪拉多纳

周三早上世界盃南美洲區外圍賽繼續有波打，其中烏拉圭將作客智利。計人腳烏拉圭當然係勁爆，淨係一對前鋒蘇亞雷斯及卡雲尼加埋都值幾千萬歐元，不過兩位大哥要為所屬球會交代，所以每次踢國際賽都唔敢拚得太盡，呢點對於國家隊嚟講非係好事。今次烏拉圭作客唔睇好，智利較可取，主W要留意。

（周三早上7時30分開賽）

智利上輪○比一不敵秘魯，令到晉級路途上出現少少阻滯。相信智利會好好把握主場之利，痛擊烏拉圭保住出線機會。事實上智利人腳都唔係咁差，有大量球員去到歐洲球會搵食，比如祖雲達斯嘅伊斯拿、費倫天拿中場馬迪亞斯費南迪斯以及韋根前鋒包爾斯亞。佢哋同樣身經百戰，絕對有能力與烏拉圭抗衡到底。
烏拉圭作客未威過

值得留意嘅係，烏拉圭喺南美洲有番咁上下名氣，但原來係「作客蟲」，於10輪世盃外圍賽當中，4次均未贏波，相信今次都好難威脅到智利，主W逾2倍值捧。